Esta semana comeza a desenvolverse o Día Emprendedor de Galicia, que por primeira vez na súa historia contará con tres xornadas distintas en tres sedes diferenciadas: en Lugo, no Pazo de Feiras e Congresos, será mañá, día 18 de outubro; en Ourense, o próximo xoves, día 20 de outubro, na sede de Expourense, Fundación de Feiras e Exposición; e en Santiago de Compostela, no Pazo de Congresos, a vindeira semana, o 25 de outubro. Podes consultar as ultimas novidades dos programas previstos no portal www.diaemprendedor.com , onde tamén podes formalizar a túa inscrición.
O Día Emprendedor de Galicia 2011 ten como obxectivo xenérico facilitar o achegamento dos emprendedores e os novos empresarios a todos os servizos, instrumentos, habilidades e apoios para impulsar e creación e a consolidación de novas iniciativas empresariais.
O Día Emprendedor de Galicia está organizado pola Consellería de Economía e Industria a través do Igape e Bic Galicia, coa colaboración do MITYC e de numerosas entidades comprometidas no apoio á creación de novas empresas.
No comments:
Post a Comment